കേരളത്തിലെ മത്സ്യ മേഖല വികസനത്തിൻറെ സാദ്ധ്യതകൾ

ആധുനിക വൽക്കരണ ശ്രമങ്ങൾ

കേരളത്തിലെ മത്സ്യമേഖല കാതലായ മാറ്റങ്ങൾക്ക് തുടർച്ചയായി വിധേയമായി പ്രവർത്തിച്ചു കൊണ്ടിരിക്കുകയാണ്, പ്രത്യേകിച്ച് സാങ്കേതികവിദ്യയിൽ. 

ഇന്ത്യയുടെ സ്വാതന്ത്ര്യലബ്ധിക്കുശേഷം മത്സ്യമേഖലയിൽ ഒരുപാട് പുരോഗമനം ഉണ്ടായി. അതിനു മുന്നോടിയായി വികസനം സംരംഭങ്ങൾ ആരംഭിക്കുന്നതിന് ഒപ്പം ആധുനിക സാങ്കേതിക വിദ്യയിൽ പരിശീലനം നൽകുന്നതിനും യന്ത്രവൽക്കരണ ത്തിനുള്ള വികസന പരീക്ഷണങ്ങൾ കേരളത്തിലാണ് ആദ്യമായി ആരംഭിച്ചത്. 

1947-ലെ ടെക്നിക്കൽ കോർപ്പറേഷൻ വിഷൻ പ്രോഗ്രാം, എഫ് ഐ യുടെ ടെക്നിക്കൽ അസിസ്റ്റന്റ് പ്രോഗ്രാം എന്നിവയാണ് വിദേശ ധന സഹായത്തോടെ കേരളത്തിൽ ആരംഭിച്ച ആദ്യ പദ്ധതികൾ.

 മറൈൻ ഡീസൽ എൻജിൻ, നൈലോൺ വല, ഇന്സുലേറ്റഡ് ഐസ് ബോക്സ് തുടങ്ങിയ നൂതന ഉപാധികളുടെ വിതരണവും പ്രചരണമാണ് ടി സി എം പ്രോഗ്രാമിലൂടെ ലഭിച്ചിരുന്നത്.

മത്സ്യമേഖലയിൽ യന്ത്രവൽക്കരണത്തിലൂടെ നാന്ദികുറിച്ചത് ഇന്ത്യയും നോർക്കയും ഐക്യരാഷ്ട്രസഭയും സംയുക്തമായി 1953 ആരംഭിച്ച നോർവീജിയൻ പ്രൊജക്റ്റിന്റെ അഭിർവമാണ്. 

ഈ പരിപാടികളിലൂടെ സർക്കാർ ഉന്നം വെച്ചത് മത്സ്യ ഉൽപാദനം വർധനയിലൂടെ സമ്പദ്ഘടനയിലെ വരുമാനം മെച്ചപ്പെടുത്തുക എന്നത് തന്നെയായിരുന്നു.

പക്ഷേ അന്നുവരെയുണ്ടായിരുന്ന പരമ്പരാഗത മത്സ്യ മേഖലയിൽ മാറ്റം ഉണ്ടാക്കുകയും യന്ത്രവൽക്കരണ മത്സ്യമേഖല എന്ന ഒരു പുതിയ മേഖല രൂപംകൊണ്ടു. ഇതിലൂടെ മത്സ്യത്തൊഴിലാളികൾ തമ്മിൽ നിരന്തര സംഘർഷത്തിന് വഴിയൊരുക്കി. 

യന്ത്രവൽക്കരണത്തോടുകൂടി മത്സ്യ ഉൽപാദനത്തിന് ഏറിയപങ്കും യന്ത്രവൽകൃത മേഖലയിലൂടെ ആകുകയും പരമ്പരാഗത മേഖലയുടെ വിഹിതം കുറയുകയും ചെയ്തു. 

മോട്ടർ വൽക്കരണം കൂടെ രംഗപ്രവേശനം ചെയ്തതോടുകൂടി കേരളത്തിലെ മത്സ്യബന്ധന ഉരുക്കൾ മൂന്നുതരം ആയി തിരിച്ചു.

1. പരമ്പരാഗതം: മോട്ടോർ വൽകൃതം അല്ലാത്തവ 
2. പരമ്പരാഗതം : മോട്ടോർ വൽകൃതം
3. മൂന്ന് യന്ത്രവൽകൃതം 

ശാസ്ത്സാങ്കേതിക വളർച്ചയോടൊപ്പം നൂതന സാങ്കേതിക വിദ്യയുടെ ആഗമനത്തോടെ കൂടി പരമ്പരാഗത മത്സ്യമേഖലയുടെ സ്വഭാവത്തിനു മങ്ങലേറ്റു താഴെതട്ടിലുള്ള ഒരു ജനതയുടെ ഉപജീവനത്തിന് വേണ്ടി മാത്രം ആശ്രയിച്ചിരുന്ന മത്സ്യമേഖല മാനേജർ വൽക്കരിക്കപ്പെട്ട ലാഭം മാത്രം ലക്ഷ്യമാക്കി പ്രവർത്തിക്കുന്ന ഒന്നായി അത് പരിണമിക്കാൻ കാരണമായി. 

ആയിരത്തി തൊന്നുറുകളിൽ മത്സ്യ വിഭാഗ ശോഷണവും അമിത മത്സ്യബന്ധന ശേഷിയും രൂക്ഷമാകുകയും ചെയ്തതോടെ കൂടി മത്സ്യമേഖലയുടെ ശാശ്വത നിലനിൽപ്പ് തന്നെ ഭീഷണി ആവുകയും ചെയ്ത സാഹചര്യത്തിൽ കേരള സർക്കാർ മത്സ്യത്തൊഴിലാളി കേന്ദ്രീകൃത വികസനപ്രവർത്തനങ്ങൾ ആരംഭിച്ചു. 

പക്ഷെ ഒരുപാട് നാൾ അതിന്റെ ഫലം കണ്ടെത്താൻ കഴിഞ്ഞില്ല.

നമ്മുടെ ഇപ്പോഴത്തെ കാലാവസ്ഥ പ്രവചനാതീതമാണ്. 

കാലാകാലങ്ങളിൽ മത്സ്യബന്ധന മേഖലയിൽ ഉണ്ടാകുന്ന മാറ്റങ്ങൾക്കനുസരിച്ച് മത്സ്യത്തൊഴിലാളി വിഭാഗത്തിന് പ്രയോജനപ്പെടുന്ന പദ്ധതികൾ ആവിഷ്കരിക്കാൻ കേന്ദ്ര-സംസ്ഥാന സർക്കാരുകൾ എത്രയും വേഗം തയ്യാറാകണം. 

കേന്ദ്രത്തിൽ ഫിഷറീസിനായി പ്രത്യേകം ഫിഷറീസ് മന്ത്രാലയം അനിവാര്യമാണ്.  നമ്മുടെ മത്സ്യത്തൊഴിലാളികൾ ഏറെ പിന്നോക്കാവസ്ഥയിൽ നിൽക്കുന്ന ഈ സമയത്ത് അവരെ മുഖ്യധാരയിലെത്തിക്കാൻ വേണ്ട കർമ പദ്ധതികൾക്ക് രൂപം നൽകുവാൻ മുഖ്യധാരാ രാഷ്ട്രീയ പ്രസ്ഥാനങ്ങൾ മുന്നോട്ടു വരണം അതിനു വേണ്ടിയുള്ള കൂട്ടായ പ്രയത്നമാണ് നമുക്കിന്ന് ആവശ്യം.

ഇന്ന് മത്സ്യബന്ധന മേഖല ഏറെ പ്രതിസന്ധി നേരിട്ടുകൊണ്ടിരിക്കുന്ന അവസ്ഥയിലാണ് കടന്നുപോകുന്നത്. 

ഉപജീവനത്തിനായി മീൻ പിടുത്തത്തിൽ ഏർപ്പെടുന്ന പരമ്പരാഗത ചെറുകിട മത്സ്യത്തൊഴിലാളി സമൂഹമാണ് ഏറെ ദുരന്തത്തിൽ തള്ളപ്പെടുന്നത്.

 വിദേശ മീൻപിടിത്ത കപ്പലുകൾക്കും ഇന്ത്യയിലെ തന്നെ വലിയ ട്രോളറുകൾക്കും ആണ് ഇപ്പോൾ സർക്കാരുകൾ സഹായം ചെയ്തു നൽകുന്നത് എന്നതാണ് അവരുടെ പ്രധാന ആക്ഷേപം. 

ഇന്ത്യയുടെ പരമാധികാരത്തിൽ ഉള്ള 200 നോട്ടിക്കൽ മൈൽ കടൽ മേഖലയിൽ പോലും ഇന്ത്യൻ മീൻപിടുത്തക്കാർക്ക് സ്വതന്ത്രമായി മത്സ്യബന്ധനം നടത്താനുള്ള അവകാശം പോലും ഇപ്പോൾ നിഷേധിക്കപെടുന്നു. 

അതുകൂടാതെ രാജ്യസുരക്ഷയ്ക്ക് തന്നെ ഏറ്റവും നിർണായകമായ പങ്കുവയ്ക്കുന്ന വരാണ് നമ്മുടെ മത്സ്യത്തൊഴിലാളി സമൂഹം നമ്മുടെ മത്സ്യത്തൊഴിലാളികൾ ഇന്ത്യൻ കടലോരത്ത് തേങ്ങി പാർക്കുകയും തീരക്കടലിൽ മീൻ പിടുത്തത്തിൽ ഏർപ്പെടുകയും ചെയ്യുന്ന തന്നെ രാജ്യസുരക്ഷയ്ക്ക് പ്രയോജനപ്പെടുന്നത് ഒരു കാര്യമാണ്. 

ഏറ്റവും നല്ല പ്രോട്ടീൻ ആഹാരമായ മത്സ്യം നമ്മുടെ തീൻമേശയിലേക്ക് ഏറ്റവും വില കുറഞ്ഞ വിലയ്ക്ക് തന്നെ എത്തിക്കുന്നത് ഈ മത്സ്യത്തൊഴിലാളികളാണ് എന്നുള്ള വസ്തുത നമ്മൾ മറക്കാൻ പാടില്ല.